Hlaupahópar fyrir alla
Á Akureyri starfa a.m.k. fjórir hlaupahópar. Allir eru þeir opnir hverjum þeim sem vill leggja stund á hlaup og æfingagjöld eru engin. Við hvetjum nýliða eindregið til að kynna sér starfsemi hópanna, ganga til liðs við þá og æfa í skemmtilegum félagsskap. Leiðbeinendur hópanna ráðleggja iðkendum um skipulag æfinga, undirbúning fyrir keppnishlaup/almenningshlaup og annað sem viðkemur hlaupunum.
Líttu við á æfingu og fáðu ráðleggingar um æfingafyrirkomulag sem hentar þínu markmiði fyrir Akureyrarhlaup Íslenskra verðbréfa.
Frá 2003 hefur verið starfrækt langhlauparadeild innan UFA. Deildin er opin öllum hlaupurum og áhugamönnum um götuhlaup og langhlaup. Nánari upplýsingar um deildina má finna á heimasíðu UFA.
Markmiðasetning
Áttu eftir að setja þér markmið? Hér eru nokkrar hugmyndir að markmiðum eitthvert þeirra gæti hentað þér.
